الحب في الله
السلام عليكم ورحمة الله وبركاته

لم تسجل الدخول بعد

يمكنك التسجيل الان

الحب في الله

موضوعات اسلامية ... وموضوعات عن الكمبيوتر.. والموبايل .. والنت .. و......
 
الرئيسيةالبوابةاليوميةالتسجيلدخول
منتديات الحب في الله
منتديات متميزة .... موضوعات متميزة .... شارك ولا تتكاسل .
للاستفسار يمكنك المراسلة على الياهو على .......al7ob_fe_ellah او memo_mod2002

شاطر | 
 

 نكت تمام

اذهب الى الأسفل 
كاتب الموضوعرسالة
memooo
Admin
avatar

ذكر عدد الرسائل : 143
العمر : 30
الموقع : http://alafdal.alafdal.net
تاريخ التسجيل : 29/01/2009

مُساهمةموضوع: نكت تمام   الأربعاء فبراير 04, 2009 2:21 am

شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟





مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!






لية الديك عندة زكام ؟علشان متجوز فرخة مجمدة






بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا





واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش





معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش




مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين




مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ




واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع




واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!




صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون



واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه



واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "




كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا



مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!



بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل



مدرس عربى دخل الفصل قال النهارده حصة املاء .... يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس


محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب



مرة مذيعة أتجوزت واحد شخصيته مهزوزة ... ركبتله أريال



واحدة حامل ولدت بنت الساعة خامسة الفجر .. جه جوزها وجاب البندقية و ... طخ البنت ........ وقال لأمها ماعندناش بنات تيجي في انصاص الليالى ....!!!



واحد اشترى موزة لقاها معوجة.... راح رجعها



سال المدرس التلميذ : فى عام 1769 ولد شخص هام فى تاريخ فرنسا فمن هو ؟ اجاب التلميذ : نابليون يا استاذ ... ثم سال المدرس : وفى عام 1772 كان هناك حدث اخر ....... أجاب التلميذ : اصبح عمر نابليون 3 سنوات




قائد جيش بيقول لجنوده ... العدو من امامنا ومن خلفنا وعلى يميننا وعلى يسارنا ... يبقى مش هيفلت مننا المره دى




واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز




مره استاذ بيقول للناظر..... الطلبه بينطوا من على السور..... الناظر قال له : هدوه



بيقولك هايشيلو شبكة فودافون وموبينيل تفتكروا ليه؟؟!!!!!!! هايحطوا شبكة الزمالك عشان بتستقبل احسن




مرة واحد واقف على الكوبرى عمال يقول 53 53 53 فالناس اتلمت وفى واحد راح قاله ايه 53 ده قام قايله بص كده فلما بص قام رميه وقعد يقول 54 54 54



واحد بيسال ابوه بيفول له مين اللى جاب لك النجفة دى يابابا لما اتجوزت ماما ؟؟؟ قال له لأ .. ده جدك ........ الولد : طب مين اللى جابلك العربية ؟؟ قاله جدتك .... قال له امال ماما جابت لك ايه ؟؟؟ قال له الضغط





واحد كمسري بيقول لابنه تذاااااااكـــــــــــــــــــــــر ............. تنجح




الابن لأبيه:وجدت كرة ضائعة! -ومن أدراك أنها ضائعة؟! الابن:رأيت صاحبها يبحث عنها!



مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض



اتنين محششين راحو عزى ، فسالو اهل الميت هو مات ليه ، قالوا لهم ان رصاصة جت في راسه ، قالوا كويس ماجاتش في عينه



واحد سرق كرسي من القهوة وطلع يجري ... صبى القهوة شافه اخد ديله ف سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي


واحد بلدياتنا بيلعب فى وذنه جاب اذاعة الشرق الأوسط




الواد سوسو قابل صاحبه فقال له خد بالك البنت اختك ماشيه مع عبده الميكانيكى فرد عليه غاضبا ده لا ميكانيكى ولا بيفهم فى الميكانيكا





واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه.




واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى




واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم




واحد مسطول بيلعب كورة اخذها على صدره طلعها من مناخيره



ما وجه الشبه بين الموز و التفاح؟ الاثنين لا يصنع منهم عصير جوافه



التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد



اتنين بلدياتنا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.



واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو!




واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور
الرجوع الى أعلى الصفحة اذهب الى الأسفل
http://alafdal.alafdal.net
reem



عدد الرسائل : 6
تاريخ التسجيل : 03/02/2009

مُساهمةموضوع: رد: نكت تمام   الأربعاء فبراير 04, 2009 8:37 pm

ههههههههههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
 
نكت تمام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحب في الله :: منتدى الكوميديا والترفيه :: نكت وطرائف جميلة-
انتقل الى: